chhattisgarh: अवइया महिना बिलासपुर ले सुरू हो जाही उड़ान सेवा, पढ़व पूरा खबर
जय जोहार। (chhattisgarh) बिलासपुर ले अवइया महिना ले उड़ान सेवा ह सुरू हो जाही। ए बात के ऐलान ल रायपुर पहुंचे केंद्रीय नागरिक उड्डयन मंत्री हरदीप सिंह पुरी ह करे हे।
बजट के खूबी ल बताये बर (chhattisgarh) रायपुर पहुंचे केंद्रीय मंत्री हरदीप सिंह पुरी ह पत्रकार वार्ता म कहिन कि बिलासपुर ल हमन ह एयर कनेक्टविटी दे ल जावत हन, ए बात के निर्णय हमन ह ले हन। केंद्रीय मंत्री हरदीप सिंह पुरी ह बिलासपुर ले सुरू होवइया हवाई सेवा के रूप ल लेके घलो बात बताईस। वो हा कहिन कि जब हमन एयर कनेक्टिविटी देवत हन, त ओखर रूट के प्लानिंग करत हन।
(chhattisgarh) हमन ह नईदिल्ली, प्रयागराज, जबलपुर, भोपाल अऊ बिलासपुर के रूट बनाय हन। वो हा कहिन कि देश म इंटरनेशनल रूट घलो तैयार हो, जइसे यूएस, कनाडा जाय बर हमन ल सिंगापुर अऊ दुबई जाना होवत हे। देश म ही अइसे रूट बने, जेखर ले सीधा यूएस अऊ कनाडा के फ्लाइट देश ले सुरु हो जाये।
