सबले जादा वोट ले जितईया पार्षद एजाज ढेबर होही रायपुर के नवा महापौर, बधाई के लगिस तांता

जय जोहार रायपुर…बीते नगरिय निकाय के चुनाव म नब्बे पार्षद मन म जेन ह सबले जादा वोट ले विजयश्री प्राप्त करिस वो हरे मौलाना अब्दुल रउफ़ वार्ड के पार्षद एजाज ढेबर ह, कांग्रेस म तीन पार्षद महापौर के दावेदारी करत रिहिस जेमा वरिष्ठ नेता ज्ञानेश शर्मा, पूर्व महापौर प्रमोद दुबे अऊ एजाज ढेबर के नाम रिहिस.

लंबा रस्साकसी के बाद तस्वीर साफ़ होगे अऊ महापौर के नाम ऊपर एजाज के नाम म सहमती बन गे हे, युवा नेता अऊ अपन क्षेत्र म बेहद लोकप्रिय एजाज ल महापौर बने के बाद बधाई दे वाला मन के तांता लगे हे, जल्द ही एजाज ह शपथ ले के रायपुर के प्रथम नागरिक के रूप म विराजमान होही.