बेहतरीन फिल्मांकन अऊ कर्णप्रिय गीत ले सजे हे अलबम ” ऐ संगी वो “, सुरता के बाद नवा कृति आय श्याम शंकर चंद्राकर के

जय जोहार रायपुर… अंचल के युवा कलाकार श्याम शंकर चंद्राकर ह एक बार अऊ नवा अलबम ले के आय हे जेखर नांव हे ” ऐ संगी वो ” जेला खूब पसंद करे जात हे , बता दन कि एखर पहिली श्याम शंकर के ” सुरता ” अलबम ल घलो बने प्रतिसाद मिले रिहिस , ऐ संगी वो के बारे म बतात हुए शंकर चंद्राकर ह किहिस कि एखर फिल्मांकन धमतरी अऊ कुरूद के खुबसूरत लोकेशन म करे गे हे , गीत मन ल स्वर से सजाय हे धमतरी के अनुराग मिश्रा अऊ मुंबई के मीनाक्षी शुक्ला ह अऊ एमा संगीत दे हे विलास राहुल ह .

ऐ संगी वो ल सुन्दरानी म्यूजिक ह २१ जून के रिलीज करे हे अऊ अभी तक एखर लाखो विउ हो चुके हे , ये अलबम म नृत्य निर्देशन करे हे नंदू तांडी ह अऊ छायांकन करे हे चन्दन निषाद के संग चुम्मन ह , बता दन कि एमा श्याम शंकर चंद्राकर ह बांसुरी वादन के बहुत बढ़िया उपयोग करे हे , ऐ संगी ल दर्शक मन एक बार देखे के बाद बार बार देखत हे.