रायपुर म 72 घंटा तक बारिश होय के संभावना, मौसम विभाग ह जारी करे हे 25 जून तक बारिश के चेतावनी

जय जोहार…. छत्तीसगढ़ म मानसून ह सक्रिय होवत ही पिछिले 24 घंटा ले प्रदेश के अधिकतर हिस्सा म बारिश होवत हे। मौसम विभाग ह 25 जून तक सरलघा बारिश होय के चेतावनी जारी करे हे। रायपुर म 72 घंटा तक बारिश होय के संभावना हे। एखर संग प्रदेश के कई जिला म रविवार ले बारिश होवत हे।
मौसम वैज्ञानिक के अनुसार एक चक्रीय चक्रवाती घेरा ह दक्षिण-पूर्व उत्तरप्रदेश के उपर 5.8 किमी उंचाई म हे। एखर प्रभाव ले छत्तीसगढ़ के अधिकतर जगह म हल्की ले मध्यम बारिश होय के संभावना जताय गे हे। उत्तर छत्तीसगढ़ अऊ दक्षिण छ्त्तीसगढ़ म एक-दू जगह म भारी बारिश होय के संभावना हे।