एल्बम के होवत हे शूटिंग ,यू ट्यूब बनिस सशक्त माध्यम

दीपक बावनकर@रायपुर आजकल फिलिम के संगे संग एल्बम के शूटिंग घलो लगातार होवत हे , जेखर प्रदर्शन बर यू ट्यूब ह एक बेहतर माध्यम साबित होवत हे , लोक गायिका आरती बारले ह घलो एल्बम निर्माण म आघू आवत हे जेखर शुरुवात वो ह अपन एल्बम “नैना के बाण” ले करत हे ये एल्बम के शूटिंग प्रारम्भ हे जेखर कोरियोग्राफी करे हे मनोज दीप ह

कलाकार म अनिरुद्ध ताम्रकार अऊ शिवानी सोनी हे , एखर निर्देशक गंगा सागर हे अऊ एमा स्वर दे हे आरती बारले अऊ गुड्डू देवांगन ह। कैमरा संजय महतो अऊ संतोष यादव ह चलाये हे। बता दन कि आरती बारले ह कला जगत के पुराना नाम हे ,अऊ कतको एल्बम अऊ फिलिम म आरती ह अपन अभिनय के छाप छोड़े हे।