नियम के अनुसार प्रक्रिया ल तेज करे बर कलेक्टर ह देहे निर्देस
जय जोहार। (Raipur) रायपुर जिला म आमजन बर नवा सुव्यवस्थित आवासीय परियोजना सुरु करे ल हाउसिंग बोर्ड ल जल्दीच ही जमीन के आबंटन कर दे जाही हाउसिंग बोर्ड के अध्यक्ष कुलदीप जुनेजा के मौजुदगी म होइन बइठक म कलेक्टर डॉ सर्वेश्वर भुरे ह जमीन आबंटन के प्रक्रिया ल तेज करे के निर्देस राजस्व अधिकारी मन ल देहे ।
(Raipur) बइठक म विभिन्न आवासीय परियोजना बर भूमि आबंटन ले लेके नामांतरण-सीमाकंन आदि बिसय म गंभीरता ले चर्चा होइन । बोर्ड के अध्यक्ष कुलदीप जुनेजा ह जनहित म सुरु होवइया आवासीय परियोजना बर जल्दीच प्रक्रिया पूर्ण कर भूमि आबंटन के मांग करिन। कलेक्टर डॉ भुरे ह परियोजनावार प्रकरण म अधिकारी मन के संग समीक्षा कर वर्तमान स्थिति के जानकारी लीन । वोहा भूमि आबंटन के प्रकरण म आवत रूकावट ल जल्दीच दूर कर नियमानुसार भूमि हाउसिंग बोर्ड ल आबंटित करे के निर्देस राजस्व अधिकारी ल देहे ।
बइठक म राजीव नगर आवासीय योजना बर गोगांव, मोवा, मांठ-खरोरा, सिंगारभाठा-अभनपुर, उरला-अभनुपर, नायकबांधा-अभनपुर अउ सलोनी-अभनपुर म भूमि आबंटन म चर्चा करे गेहे । ए स्थान म आने आने विभाग डहार ले नियमानुसार भूमि आबंटन बर अनापत्ति प्रमाण पत्र निर्धारित सुल्क रासि के जमा होय म घलो चर्चा होइन ।
(Raipur) कलेक्टोरेट सभाकक्ष म होइन ए समन्वय बइठक म हाउसिंग बोर्ड के आयुक्त धर्मेश साहू, अपर कलेक्टर बी.बी पंचभाई, एस.डी.एम श्री देवेन्द्र पटेल समेत राजस्व अधिकारी अउ हाउसिंग बोर्ड के अधिकारी घलो सामिल होइन हे ।
Other Articles
chhattisgarh : कुपोसण ल खत्म करे के दिसा म तेजी ले बढ़त हे छत्तीसगढ़
भेंट मुलाकात: जैजैपुर म सीएम ह लिन मां आदिशक्ति के आसीर्वाद
