अमिताभ बच्चन के नाम के जरत हे जोत…..महामाया मंदिर म सात समंदर पार हे आस्था

दीपक बावनकर@रायपुर नवरात्री म माता के भक्त अपन भक्ति अलग अलग अंदाज म प्रदर्शित करथे ,कोनो पूरा नौ दिन उपास रखथे त कोनो खाली पैर रहिथे अइसने भक्त मन अपन मनोकामना पूर्ती बर ज्योति कलश स्थापित करवाथे  राजधानी रायपुर के महामाया मंदिर म ये नवरात्री के हजारों के संख्या म ज्योति कलश स्थापित हे जेमा सदी के महानायक अमिताभ बच्चन के नाम घलो हे

बता दन कि महामाया मंदिर के स्थापना तांत्रिक विद्या ले होय हे अऊ इन्हा एक ही परिवार के पीढ़ी ह पंडा बनत आत हे अमिताभ बच्चन के नाम के ज्योति कलश के नम्बर आये आठ हजार बयासी अऊ एला छब्बीस सितम्बर के बुक कराये गे रिहिस, एखर आलावा विदेश के भारतीय मूल के निवासी मन घलोक अपन श्रध्दा अनुसार फोन या मेल के माध्यम ले अपन ज्योति कलश ल बुक करवाथे .