छत्तीसगढ़ म फेर एक हाथी के होइस मौत

जय जोहार…. रायगढ़ जिला म हाथी के मौत के सिलसिला ह थमे के नाम नई लेवत हे। केवल दू दिन के भीतर ही दूसर हाथी के मौत हो गे हे। ए बार ये घटना ह धर्मजयगढ़ वन मंडल रेंज के बेहरामार गांव के हे। बिहिनया होत ही ए घटना के जानकारी ग्रामीण मन ल मिलिस त वन विभाग ल एखर सूचना दिस। सूचना मिले म  वन विभाग के अमला ह मऊका म पहुंच चुके हे अऊ घटना के जांच करे जावत हे। गौरतलब हे कि प्रदेश म हाथी मन के सरलघा मौत होवत हे। एखर पहिले एक नन्हें हाथी के मौत ह धमतरी जिला म हो गे रहिस।

बता देन कि गरियाबंद ल होत हुये हाथी मन के दल ह धमतरी पहुंचे हे। जिहां एक सप्ताह ले गंगरेल डेम के डुबान इलाका के जगंल म विचरण करत हे। ए बीच ग्राम मोंगरी-उरपुटी के दलदल म फंसे ले एक नन्हें हाथी के मौत हो गे हे। बतावत जात हे कि बाकी हाथी मन के दल ह अभी कलरबहरा के सौगान प्लाट म होय के खबर हे।