रायपुर। छत्तीसगढ़ के अलग राज्य के सपना ल साकार पूरव प्रधानमंत्री अउ भारत रत्न अटल बिहारी वाजपेयी ह बतौर देस के प्रधानमंत्री रहत करिन। अटल जी के वो हुंकार यादगार तारीख बन गिस, जेमा बछर 1998 म उमन रायपुर म एक सभा म कहे रहिस हे के आप मन मोला 11 सांसद दव मैं ह छत्तीसगढ़ दूं हूं।
छत्तीसगढ़ के निरमान म अटल बिहारी वाजपेयी के महत्वपूरन योगदान रहिस हे। कहे जात हे के छत्तीसगढ़ राज्य ल लेके करे जात रहे संघरस ले अटल जी भली-भांति परिचित रहिन हे। उमन जानत रहिन हे के ये आंदोलन केवल राजनीतिक नइए, ये आंदोलन ले लोगन मन के भावना जुड़े हुए हे। अइसे परिस्थिति मन म 1995 म अटल बिहारी वाजपेयी रायपुर आय रहिस हे। इहां के सप्रेशाला मइदान म आयोजित एक सभा म उमन कहिन रहिन के ‘आप मन मोला 11 सांसद दव, मैं आप मन ल छत्तीसगढ़ दूं हूं…।’ उंखर इहीं कथन म जनता ह विश्वास के मुहर लगाइस हे अउ ये तरह ले 1 नवंबर 2000 के देस के 26 वें राज्य के रूप म छत्तीसगढ़ के उदय होइस।
