Raipur : समर्थन मूल्य म धान बेचइया किसान मन के सहूलियत बर एन्ड्रॉयड एप ‘टोकन तुंहर हाथ’
जय जोहार । (Raipur) मुख्यमंत्री भूपेश बघेल के पहल म अब समर्थन मूल्य म धान बेचइया किसान मन धान विक्रय बर घर बइठे ऑनलाइन टोकन प्राप्त करे के सुविधा मिलही । मुख्यमंत्री के निर्देस म पंजीकृत किसान के धान विक्रय बर टोकन जारी करे के प्रक्रिया ल सरल अउ सुव्यवस्थित प्रबंधन के उद्देश्य ले एन.आई.सी. डहार ले एन्ड्रॉयड एप ‘‘टोकन तुंहर हाथ’’ विकसित करे गेहे ।
(Raipur) ‘‘टोकन तुंहर हाथ’’ एप के सहायता ले हरेक पंजीकृत किसान संबंधित उपार्जन केन्द्र म स्वयं के डहार ले निर्धारित तिथि म धान विक्रय बर टोकन प्राप्त कर सकही । ए एप डहार ले किसान ल समिति डहार ले दर्ज किसान के जानकारी पंजीकृत रकबा, बैंक खाता, टोकन अउ धान खरीदी के नवा जानकारी प्राप्त होही ।
(Raipur) ए एप के उपयोग ले पंजीकृत किसान डहार ले संबंधित समिति उपार्जन या उपार्जन केन्द्र म अवइया 7 दिन तक टोकन प्राप्त करे जा सकत हे । एप के माध्यम ले संबंधित समिति या उपार्जन केन्द्र म हरेक दिन के खरीदी क्षमता के 30 प्रतिशत के सीमा तक ऑनलाइन टोकन प्राप्त करे जा सकही। ये सीमा म घलो सीमांत, लघु अउ दीर्घ कृषक ल ओखर पंजीकृत संख्या के अनुपात म टोकन बर समान अवसर उपलब्ध होही ।
