बीएड-डीएड अऊ इंजीनियरिंग के प्रवेश परीक्षा बर आवेदन के नवा तारीख के ऐलान, व्यापम ह जारी करिन नवा आदेश

जय जोहार…. छत्तीसगढ़ व्यावसायिक परीक्षा मंडल ह प्रवेश परीक्षा मन बर आवेदन के तारीख ल एक बार फेर ले बढ़ा दे हे। पीईटी ले लेके बीएड अऊ डीएड तक के परीक्षा बर आवेदन अब नवा तारीख ले भरे जाही। पहले 17 मार्च ले शुरू हो के परीक्षा के आवेदन के तारीख ल तीन मई तक बढ़ाय गे रहिस। अब ओला फेर ले आघू बर एक्सटेंड कर दे गे हे।

पीईटी बर 17 मार्च ले शुरू होइस आनलाइन आवेदन की तारीख अब 15 मई तक चलही। फार्मेसी बर आवेदन घलो तिथि 15 मई तक बर बढ़ाय गे हे। पीएटी, पीपीटी, बीएड अऊ डीएड बर घलो आवेदन के तिथि ल बढ़ा दे गे हे। हालांकि परीक्षा के तारीख के अभी ऐलान नई करे गे हे।

अपन आदेश म व्यापम ह बताइस हे कि विश्वविद्यालय अऊ बोर्ड के परीक्षा के अंतिम जानकारी आय के बाद परीक्षा के तारीख म आखिरी निर्णय ले जाही।