माकपा कार्यकर्ता मन ह श्रमदान ले खदान के पानी ल तालाब के ओर मोड़िस, अब एक हजार ले ज्यादा परिवार होही लाभान्वित

जय जोहार…. कोरोना संकट के दौर म कोरबा माकपा के तरफ ले आम जनता ल राहत के अभिनव प्रयास करे जात हे। ए कड़ी म माकपा कार्यकर्ता मन ह श्रमदान ले एसईसीएल के बांकी खदान ले निकलइया पानी के धार ल देवतालाब के ओर मोड़ के जल संकट ल स्थायी रूप ले दूर करे के प्रयास करे हे।

बतावत जात हे कि कोरबा नगर निगम के मोंगरा वार्ड के बांकी बस्ती बर जल संकट ह स्थायी समस्या हे अऊ गर्मी म ये विकराल रूप ले लेवत हे। पेयजल के संगेसंग निस्तारी अऊ पशु बर पानी के समस्या घलो बने रहत हे। लॉकडाउन म घर-घर ले निकले म पाबंदी के चलत ये संकट अऊ बाढ़ गे रहिस। ए समस्या के ओर बार-बार जिला प्रशासन अऊ एसईसीएल प्रबंधन के ध्यान आकर्षित करे के बावजूद कोनो समाधान आज तक नई होय रहिस।