छत्तीसगढ़ म एक अऊ कोरोना मरीज होइस स्वस्थ, एम्स ह करिस डिस्चार्ज

जय जोहार रायपुर…. छत्तीसगढ़ ले एक अऊ राहत भरा खबर आवत हे। रायपुर एम्स म भर्ती एक अऊ कोरोना मरीज ह स्वस्थ हो गे हे। अखिल भारतीय आयुर्विज्ञान संस्थान रायपुर ले एक अऊ मरीज ल कोरोना वायरस टेस्ट म निगेटिव पाए जाए के बाद छुट्‌टी दे दे गे हे।
एम्स के तरफ ले जारी मेडिकल बुलेटिन के अनुसार कटघोरा के रहवइया मरीज ल पिछिले दिनों एम्स म भर्ती कराए गे रहिस। ए पुरुष मरीज के सरलघा दु टेस्ट ह निगेटिव पाए गे रहिस। जेला एम्स के चिकित्सक मन ह सनिच्चर के डिस्चार्ज कर दिस। अब एम्स म कोविड 19 के 11 एक्टिव केस बचे हे। एम्स के निदेशक डॉ. नितिन नागरकर के अनुसार सबो रोगी मन के हालत स्थिर हे।