लम्बा अंतराल के बाद अनुपम वर्मा करही धमाका , तू मेरा हीरो के तैय्यारी पूरा

दीपक बावनकर@रायपुर सुधाराज फिल्म्स के निर्देशक अनुपम वर्मा ह एक लम्बा समय के बाद छत्तीसगढ़ी सिनेमा म धमाल मचाय बर आवत हे ,ऊंखर मोहि डारे रे ल काफी पसंद करे गे रिहिस , सुपर स्टार करन खान अऊ अनुपम वर्मा के जोड़ी के ये दूसर फिलिम होही दूनो के ट्यूनिंग काफी बने हे तेखरे सेती अनुपम ह अपन आगामी फिलिम तू मेरा हीरो बर करन खान ल फ़ाइनल करे हे

बाकी के कास्टिंग चलत हे. अवैय्या जनवरी म एखर शूटिंग शुरू हो जाही अइसे जानकारी मिले हे ,अभी करन खान बेनाम बादशाह के शूटिंग म हे जल्द ही दूनो मीटिंग करके आगे काम शुरू करही ,बता दन कि अनुपम वर्मा एक बहुत अच्छा कवि अऊ लेखक हे ,तू मेरा हीरो के स्क्रिप्ट अनुपम वर्मा ह लिखे हे , ख़ास बात ये हे कि बड दिन बाद कहानी तैयार होय हे एखर मतलब ओमा कुछ ख़ास होना लाजिमी हे .