बन्द नई होही एपीएल राशनकार्ड, मिलत रही चावल, सरकार ह करिन स्पष्ट
जय जोहार…. छ्त्तीसगढ़ म एपीएल परिवार मन ल राशन मिलत रही। राज्य सरकार ह साफ कर दे हे कि प्रदेश म गरीबी रेखा ले उपर रहवइया परिवार मन के राशन कार्ड ल रद्द करे के ओखर कोनो इरादा नई हे। प्रदेश के 9.19 लाख राशनकार्डदारी सामान्य परिवार मन के 29.45 लाख सदस्य मन ल योजना के लाभ मिलत हे।
नागरिक मन के तरफ ले एपीएल अऊ आन योजना के नवीन राशनकार्ड बर तय प्रारूप म आवेदन पत्र भर के आवश्यक दस्तावेज समेत ग्राम पंचायत या नगरीय निकाय म प्रस्तुत करे म नियम के अनुसार नवीन राशनकार्ड ल जारी करे जाही। राज्य म नवीन सामान्य (एपीएल) राशनकार्ड बनाये के कार्यवाही ह जारी हे।
एपीएल राशनकार्ड धारी मन ल प्रति माह राज्य शासन के तरफ ले 10 रूपिया प्रति किलो के दर म चावल प्रदान करे जावत हे। राज्य म एपीएल राशनकार्ड धारी मन ल अक्टूबर 2019 ले खाद्यान्न प्रदान करे जावत हे। महिना अप्रैल 2020 म 7.45 लाख राशन कार्डधारी मन के तरफ ले 21756 टन चावल के उठाव ल उचित मूल्य के दुकान ले करे गिस। माह जून बर आबंटित खाद्यान्न के वितरण ह जारी हे। अभी तक 12610 राशन कार्डधारी मन के तरफ ले चावल के उठाव करे गे हे।
