जय जोहार। छत्तीसगढ़ सासन जल संसाधन विभाग मंत्रालय डहार ले गौरेला-पेण्ड्रा-मरवाही जिला के गोढ़ा जलासय लाईनिंग काम बर 2 करोड़ 14 लाख 47 हजार रुपिया के प्रसासकीय स्वीकृति मुख्य अभियंता हसदेव कछार जल संसाधन विभाग बिलासपुर ल प्रदान करे गेहे । ए योजना के पूरा होए ले 323 हेक्टेयर क्षेत्र म सिंचाई सुविधा मिल सकही ।
बरबसपुर के तीर स्टापडेम निर्माण काम बर 1.21 करोड़ स्वीकृत
छत्तीसगढ़ सासन जल संसाधन विभाग मंत्रालय डहार ले दुर्ग जिला के विकासखण्ड-पाटन के ग्राम बरबसपुर के तीर स्टापडेम निर्माण काम बर एक करोड़ 21 लाख 33 हजार रुपिया के प्रसासकीय स्वीकृति मुख्य अभियंता महानदी गोदावरी कछार, जल संसाधन विभाग रायपुर ल प्रदान करे गेहे । ए योजना ले निस्तारी, भू-जल संवर्धन समेत क्षेत्रीय किसान ल 20 हेक्टेयर क्षेत्र म सिंचाई सुविधा मिल सकही ।
मासुलगोंदी स्टापडेम मरम्मत काम बर मिलीन 2.01 करोड़ रुपिया के स्वीकृति
छत्तीसगढ़ सासन जल संसाधन विभाग मंत्रालय डहार ले बेमेतरा जिला के विकासखण्ड-साजा के मासुलगोंदी स्टापडेम मरम्मत काम अउ गेट निर्माण काम बर 2 करोड़ एक लाख 25 हजार रुपिया के प्रसासकीय स्वीकृति मुख्य अभियंता महानदी गोदावरी कछार, जल संसाधन विभाग रायपुर ल प्रदान करे गेहे । ए योजना ले निस्तारी, भू-जल संवर्धन समेत क्षेत्रीय किसान ल 40 हेक्टेयर क्षेत्र म सिंचाई सुविधा मिल सकही ।
