जय जोहार। मुख्यमंत्री दाई-दीदी मोबाइल क्लीनिक (Chief Minister Dai-Didi Clinic) के माध्यम ले अब तक करीब 2102 कैम्प लगाए गेहे । ए क्लीनिक के माध्यम ले रायपुर, बिलासपुर अउ भिलाई नगर निगम क्षेत्र के झुग्गी बहुल बस्ती म में रहवइया एक लाख 58 हजार 953 महिला अउ बालिका के ओखर घर के तीर ही दाई-दीदी क्लीनिक कैंप के माध्यम ले इलाज करे गेहे ।
गौरतलब हे कि छत्तीसगढ़ सासन के नगरीय प्रसासन अउ विकास विभाग डहार ले मुख्यमंत्री दाई-दीदी क्लिनिक योजना संचालित करे जावत हे। ए योजना के तहत मोबाइल मेडिकल यूनिट के वाहन म महिला चिकित्सक अउ महिला स्टॉफ के टीम पहुंचत हे अउ जरूरतमंद महिला अउ बालिका के विभिन्न बीमारी के मुफत जांच अउ इलाज करत हे ।
ए मोबाइल मेडिकल यूनिट डहार ले 30 हजार 888 महिला के लैब टेस्ट करे गेहे अउ एक लाख 49 हजार 869 महिला ल मुफत दवाई दे गीन । पहिले गरीब स्लम क्षेत्र म रहवइया अउ मेहनत मजदूरी करइया अइसे महिला जेन बेरा भाव या अन्य कई सेती ले अपन इलाज नई करवा पात रिहीस, परन्तु अब दाई-दीदी क्लीनिक ले ओमन ल इलाज के सुविधा घर के तीर ही महिला चिकित्सक अउ चिकित्सा स्टाफ के माध्यम ले मिलत हे ।
No Comment! Be the first one.