chhattisgarh : परालकोट जलासय योजना काम बर मिलीन 30.94 करोड़ रुपिया के स्वीकृति

जय जोहार। छत्तीसगढ़ (chhattisgarh) सासन जल संसाधन विभाग मंत्रालय डहार ले कांकेर जिला के विकासखण्ड-कोयलीबेड़ा के परालकोट जलासय के आर.बी.सी. अउ एल.बी.सी. गेट के मरम्मत, लाईनिंग काम अउ ट्रफ निर्माण काम बर 30 करोड़ 94 लाख 37 हजार रुपिया के प्रसासकीय स्वीकृति मुख्य अभियंता महानदी परियोजना जल संसाधन विभाग रायपुर ल प्रदान करे गेहे । ए योजना के पूरा होए ले 3945 हेक्टेयर क्षेत्र म सिंचाई सुविधा मिल सकही ।

चलनापदर व्यपवर्तन योजना के काम बर 9.80 करोड़ रुपिया स्वीकृत

छत्तीसगढ़ सासन जल संसाधन विभाग मंत्रालय डहार ले गरियाबंद जिला के विकासखण्ड-मैनपुर के चलनापदर व्यपवर्तन योजना के काम बर 9 करोड़ 80 लाख 9 हजार रुपिया के प्रसासकीय स्वीकृति मुख्य अभियंता महानदी गोदावरी कछार जल संसाधन विभाग रायपुर ल प्रदान करे गेहे । ए योजना के पूरा होए ले 205 हेक्टेयर क्षेत्र म सिंचाई सुविधा मिल सकही।

जेंजरा एनीकट योजना के काम बर मिले हे 8.21 करोड़ के स्वीकृति

छत्तीसगढ़ सासन जल संसाधन विभाग मंत्रालय डहार ले कोरबा जिला के विकासखण्ड-कटघोरा के अंतर्गत अहिरन नदी म जेंजरा एनीकट काम बर 8 करोड़ 21 लाख 16 हजार रुपिया के प्रसासकीय स्वीकृति मुख्य अभियंता हसदेव कछार जल संसाधन विभाग बिलासपुर ल प्रदान करे गेहे। ए योजना के पूरा होए ले 195 हेक्टेयर क्षेत्र म सिंचाई सुविधा मिल सकही ।