जय जोहार। छत्तीसगढ़ म मुख्यमंत्री भूपेश बघेल के पहल ले शहरी क्षेत्र के स्लम बस्ती म रहवइया गरीब परिवार ल मुफत उपचार के सुविधा दे जावत हे । मुख्यमंत्री शहरी स्लम स्वास्थ्य योजना के माध्यम ले अब तक 44 लाख 37 हजार 488 मनखे मन के इलाज मोबाइल मेडिकल यूनिट के चिकित्सा दल डहार ले स्लम बस्ती म मनखे मन के घर के तीर ही पहुंचके करे गेहे।
मुख्यमंत्री शहरी स्लम स्वास्थ्य योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करावत हे । ए योजना के माध्यम ले अब तक 10 लाख 69 हजार 741 मरीज के पैथालॉजी टेस्ट करे गेहे। संगेसंग ही 37 लाख 71 हजार 670 ले जादा मरीज मन ल मुफत दवा घलो दे गेहे ।
छत्तीसगढ़ सासन के नगरीय प्रसासन अउ विकास विभाग डहार ले संचालित मुख्यमंत्री शहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती म 58 हजार 603 कैम्प लगाके मनखे मन के मुफत जांच अउ उपचार कर दवाई दे गेहे ।
गौरतलब हे कि राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराए बर मुख्यमंत्री शहरी स्लम स्वास्थ्य योजना के पहला चरण के सुरुवात 1 नवम्बर 2020 को होए रिहीस। एखर तहत 60 मोबाइल मेडिकल यूनिट डहार ले स्लम बस्ती म जाके मनखे मन के स्वास्थ्य परीक्षण, उपचार अउ दवा वितरण के सुरुवात करे गे रिहीस । 31 मार्च 2022 के एखर विस्तार ल पूरा राज्य के सबो नगरीय निकाय क्षेत्र म करे गीस ।
No Comment! Be the first one.