पूर्व केंद्रीय मंत्री अरुण जेटली हे बीमार, इलाज बर एम्स म भरती

नई दिल्ली। पूर्व केंद्रीय मंत्री अरुण जेटली के तबियत खराब हे, इलाज बर ओला एम्स म भर्ती कराए गिन हे। बिहनिया 11 बजे ले वो ह एम्स अस्पताल म भरती हे। पूर्व वित्त मंत्री के हालचाल ल जाने बर गृहमंत्री अमित शाह अउ स्वास्थ्य मंत्री डॉ. हर्षवर्धन घलो एम्स अस्पताल पहुंचे रिहिन।

जानकारी के मुताबिक अरुण जेटली पाछु के बहुत दिन ले तबियत ह खराब रहिस अउ इही कारन ले वो ह ये बार के कैबिनेट म शामिल होय बर मना कर दे रिहिस। बता दें कि अरुण जेटली ह पाछू के डेढ साल ले बीमार हे अउ एखर जानकारी वो ह खुद अपन ट्विटर अकाउंट म दे रहीस।