मानो प्रकृति ह इहीचे उतर आये हे, देखे म कोनो विदेश के शहर ले कम नई, जानव
जय जोहार….लॉकडाउन ले प्रदूषण म कमी देखे जात हे। एखर चलत पेड़ अऊ पौधा ह हरा-भरा हो गे हे अऊ ओखर प्रजनन क्षमता म वृद्धि ले ओ मन म फूल के आय ल शुरू हो गे हे अऊ झड़इया फूल ले रद्दा ह खूबसूरत नजर आवत हे। ये रद्दा हे स्टील सिटी भिलाई के, एला सेंट्रल एवन्यू केहे जावत हे। अभी इहां के नजारा ह कोनो विदेश के शहर ले कम नई हे।
अईसे त भिलाई म स्टील प्लांट के संगेसंग उद्योग बहुत हे, जेखर चलत इहां प्रदूषण काफी होत हे, लेकिन बड़ी गाड़ी के आये-जाये म प्रतिबंध के चलत धुआं पेड़ तक नई आवत हे, एखर सती ये पेड़ मई महीना म घलो हरा भरा हे।
