छत्तीसगढ़ के मुखिया ले मिले बर अमेरिका के लोग मन हे उत्साहित, शिकागो के सम्मेलन म करही शिरकत
रायपुर। मुख्यमंत्री भूपेश बघेल ह अमेरिका के एनआरआई सम्मेलन म शामिल होय बर जाही। ये सम्मेलन ह शिकागों में होही। ऐखर संग उत्तरी अमेरिका छत्तीसगढ़ संघ एनआरआई छत्तीसगढ़ मन ह मुख्यमंत्री ले मिले बर उत्साहित हे।
बतात हन कि उत्तरी अमेरिका छत्तीसगढ़ संघ एक गैर लाभकारी एनआरआई संघ हे। ये संघ 10 अउ 11 अगस्त के पहिली अंतर्राष्ट्रीय छत्तीसगढ़ एनआरआई सम्मेलन के मेजबानी करत हे। एसोसिएशन ह राज्य के विकास अउ कई अन्य क्षेत्र म मदद करे बर घलो तियार हे।
ये कार्यक्रम म मुख्यमंत्री भूपेश बघेल ह मुख्य अतिथि के रूप म शामिल होय बर संघ के निमंत्रण ल स्वीकार कर ले हे। शिकागों म 11 अगस्त के इंडिया डे परेड होही, जेमा 30 हजार एनआईआर मन ह भारत के स्वंत्रता दिवस के जश्न मनाथे। ये सम्मेलन ले छत्तीसगढ़ ल कई चीज म बढ़ावा दे बर अउ विश्व स्तर म छत्तीसगढ़ क ब्रांडिंग में सुधार करे म मदद भी मिलही।
