विधानसभा अध्यक्ष ह हरी झण्डी दिखा के प्रचार वाहन ल करिन रवाना

जय जोहार…. विधानसभा अध्यक्ष डॉ. चरणदास महंत ह इतवार के जनसंख्या स्थिरीकरण पखवाड़े के तहत जांजगीर रेस्ट हाउस परिसर ले प्रचार वाहन ल हरी झण्डी दिखा के रवाना करिन। ए रथ ले आपदा म घलो परिवार नियोजन के तैयारी, सक्षम राष्ट्र अउ परिवार के पूरा जिम्मेदारी के थीम पर परिवार नियोजन के प्रति लोगन मन ल जागरूक करे जाही। पोस्टर अउ ध्वनि विस्तारक यंत्र ले परिवार नियोजन के उपाय के बारे म जानकारी दे जाही। ए मउका म जनप्रतिनिधि अउ सीएमएचओ डॉ. एसआर बंजारे, जिला टीकाकरण अधिकारी डॉ. पुष्पेंद्र लहरे ह उपस्थित रिहिस।