जय जोहार…. छत्तीसगढ़ म अवइया 24 घंटा म प्रदेश के कई हिस्सा म बारिश होय के संभावना हे। मौसम (weather) केन्द्र के मुताबिक दक्षिण-पूर्व उत्तर प्रदेश ले दक्षिण छत्तीसगढ़ तक द्रोणिका हे।
हवा के कम दबाव के ये पट्टी के सती ले समुद्र ले बड़का मात्रा म नमी पहुंचत हे। सोमवार के घलो कई स्थान मन म हल्का ले मध्यम वर्षा होय या गरज-चमक के संग छींटा पड़े के संभावना हे।
मौसम (weather) वैज्ञानिक मन के अनुसार राज्य म जादातर जगह मन म दिन के तापमान अभी सामान्य ले अधिक हे। सनिच्चर के दुर्ग म दिन के तापमान 34.6 डिग्री दर्ज करे गे हे। ये सामान्य ले चार डिग्री जादा हे।
रायपुर म घलो पारा 33.6 डिग्री रिहिस। ये घलो सामान्य ले दू डिग्री अधिक हे। एखर अलावा बिलासपुर, पेंड्रारोड, अंबिकापुर, जगदलपुर अउ राजनांदगांव आदि शहर मन म दिन म पारा 31 ले 34 डिग्री के बीच दर्ज करे गिस।
राज्य के बाकी शहर मन म घलो ये सामान्य ले एक-दू डिग्री अधिक ही बने हे। लालपुर मौसम (weather) केंद्र के मौसम विज्ञानी एचपी चंद्रा के अनुसार रविवार के राजधानी म दिन के तापमान 34 डिग्री के आसपास रही। एखर सती देर रात म गरज-चमक के संग बारिश हो सकत हे।
No Comment! Be the first one.