सर्वश्रेष्ठ के ख़िताब आई लव यू ल , इही फिलिम के निर्देशक ,हीरो अऊ हिरोइन घलो बनिस सर्वश्रेष्ठ

दीपक बावनकर@रायपुर दू हजार अठारह म प्रदर्शित फिलिम मन म सर्वश्रेष्ठ फिलिम बनिस आई लव यू ह , ये फिलिम के निर्देशक उत्तम तिवारी ल सर्वश्रेष्ठ निर्देशक ,मन कुरैशी ल सर्वश्रेष्ठ अभिनेता अऊ अनिकृति चौहान ल सर्वश्रेष्ठ अभिनेत्री के ख़िताब मिलिस .. नवा रायपुर के सत्य साईं परिसर म अवार्ड फंक्शन के आयोजन करे गिस जेमा मुख्य अतिथि के रूप म प्रदेश के संस्कृती मंत्री अमरजीत भगत ह उपस्थित रिहिस , समारोह म १२ फिलिम शामिल रिहिस जेमा ३४ केटेगरी म अवार्ड बांटे गिस , सर्वश्रेष्ठ बाल कलाकार ले सर्वश्रेष्ठ अभिनेता तक के अवार्ड वितरण म जम्मो लोगन मन कार्यक्रम के आनंद लीन

दिलीप बैस अऊ अनु श्री के डांस प्रोग्राम ह बीच बीच म सब  के मनोरंजन करिस ,मंत्री जी के संग आइस लोक गायक दिलीप षडंगी ह आमा पान के पतरी गा के प्रोग्राम के श्री गणेश करिस , इहाँ मंत्री अमरजीत भगत ह फिल्म निती म बदलाव के बात किहिस अऊ मंदरा जी फिलिम ल टैक्स फ्री करे के घोषणा घलो करिस , ये मउका म संतोष जैन ,सतीश जैन ,मनोज वर्मा ,उरवशी साहू ,निशांत ,अनुमोद राजवैद्य , दिलीप नाम्पल्लिवार ,के संग छालीवुड के जम्मो सदस्य मन उपस्थित रिहिन , कार्यक्रम के संचालन अनुराधा दुबे ,अनुपम भार्गव अऊ नमित ह करिस