पूर्व मुख्यमंत्री के चिठ्ठी राज्य के बहिनी मन करा पहुंचिस पन्दरह साल बाद , तीजा बर भाजपा जारी करिस पाती

दीपक बावनकर@रायपुर छत्तीसगढ़ के पूर्व मुख्यमंत्री डॉक्टर रमन सिंह के द्वारा तीजहारिन  दाई .दीदी अऊ नोनी मन बर तीजा के चिठठी जारी करे गे हे जेमा सब्बो ल बधाई अऊ बहिनी मन ल अपन ख्याल रखे बर कहे गे हे , ये चिठ्ठी के ख़ास बात ये हे कि एला छत्तीसगढ़ी म लिखे गे हे अऊ एला अखबार के माध्यम ले जारी करे गे ,

डॉक्टर साहब ह छत्तीसगढ़ म पंद्रह साल राज करिस तब तक अईसे चिठ्ठी जारी नई करे गिस ,अब अइसे का का होगे कि भाजपा ल ये सब करे ल पड़त हे , जानकार मन बोलिन कि वर्तमान के भूपेश सरकार ह हरेली ,आदिवासी दिवस अऊ तीजा पोला तिहार के माध्यम ले छत्तीसगढ़ी जनता ले जुड़त जात हे अऊ पंद्रह साल ले राज करैय्या मन दूर होवत जात हे , तेखरे सेती ये हथकंडा अपनाये जात हे , अगर समय रहात ये सब भजपा ह करतिस त शायद कांग्रेस ल मौका नई  मिलतिस