corona के मरीज मन म मानसिक तनाव दूर करे बर चलही जागरूकता अभियान

जय जोहार…. कोरोना (corona) वायरस ले संक्रमित मरीज मन म मानसिक स्वास्थ्य के समस्या ले बचाव बर सरकार ह नवा पहल करइया हे।

कोविड 19 वार्ड, होम आइसोलेशन अउ क्वारेंटाइन सेन्टर म रोगी मन बर व्यापक प्रचार-प्रसार करे जाही। एखर बर रेडियो जिंगल, पोस्टर-बैनर अउ सोशल मीडिया के घलो इस्तेमाल करे जाही।

राष्ट्रीय मानसिक स्वास्थ्य कार्यक्रम के उपसंचालक के मुताबिक कोविड 19 वार्ड, आइसोलेशन अउ क्वारेंटाइन सेन्टर म भर्ती मरीज, अवसाद अउ ओसीडी जइसे मानसिक समस्या होय के संभावना ल धियान म रखत हुये प्रचार-प्रसार करे जाही।

(corona) मानसिक स्वास्थ के प्रति जागरूकता लाय बर सबो जिला के सीएमएचओ ल निर्देश जारी करे गे हे।

(corona) एखर तहत गांव ले शहर तक संचालित क्वारेंटाइन सेन्टर म घलो लोगन मन ल पाम्पलेट अउ पोस्टर ल बांटे जाएही, ताकि मानसिक विकार के रोकथाम करे जा सके।