किरंदुल। बस्तर के किरंदुल इलाका म सोमवार दुपहर एक बड़ हादसा टल गिस। करीब ढाई बजे तकनीकी खराबी के चलत बी ट्रेन के 3 बोगी मन पटरी ले उतर गिस। ये घटना कामलूर अउ कुपेर के बीच होइस। खंबा नंबर 410 के पास होय हादसा म जानमाल के हानि त नइ होइस। मगर तीन डब्बा मन के डिरेल होय ले किरंदुल विशाखापटनम नाइट एक्सप्रेस समेत माल वाहक रेल मन के परिचालन रद्द कर देय गिस अउ देर रात तक रिलीफ दल रेल मारग बहाली के काम जारी रहिस हे।
आप मन ल बता दन के बी ट्रेन एक तरह के मेन्टेनेंस ट्रेन होथे। जेमा रेलवे के पटरी, स्लीपर अउ गिट्टी जइसे सामग्री के परिवहन एक जगह ले दूसर जगह तक लाय के काम म करे जाथे। ये ट्रेन ह रेलमारग बहाली बर जात रहिस हे, इहीं दउरान ट्रेन के तीन बोगी मन पटरी ले उतर गिस। गनीमत रहिस के ये हादसा म कोनो के हताहत होय के खबर नइए।
गौरतलब हे ये इलाका म हाल ही म नक्सली ह इरादतन पटरी के स्लीपर उखाड़ के यात्री ट्रेन ल निसाना बनाथे। जेमा विशाखापटनम ले किरंदुल आवत ट्रेन बड़ दुरघटना होवत बाल बाल बचे गिस ।

किरंदुल। बस्तर के किरंदुल इलाका म सोमवार दुपहर एक बड़ हादसा टल गिस। करीब ढाई बजे तकनीकी खराबी के चलत बी ट्रेन के 3 बोगी मन पटरी ले उतर गिस। ये घटना कामलूर अउ कुपेर के बीच होइस। खंबा नंबर 410 के पास होय हादसा म जानमाल के हानि त नइ होइस। मगर तीन डब्बा मन के डिरेल होय ले किरंदुल विशाखापटनम नाइट एक्सप्रेस समेत माल वाहक रेल मन के परिचालन रद्द कर देय गिस अउ देर रात तक रिलीफ दल रेल मारग बहाली के काम जारी रहिस हे।
आप मन ल बता दन के बी ट्रेन एक तरह के मेन्टेनेंस ट्रेन होथे। जेमा रेलवे के पटरी, स्लीपर अउ गिट्टी जइसे सामग्री के परिवहन एक जगह ले दूसर जगह तक लाय के काम म करे जाथे। ये ट्रेन ह रेलमारग बहाली बर जात रहिस हे, इहीं दउरान ट्रेन के तीन बोगी मन पटरी ले उतर गिस। गनीमत रहिस के ये हादसा म कोनो के हताहत होय के खबर नइए।
गौरतलब हे ये इलाका म हाल ही म नक्सली ह इरादतन पटरी के स्लीपर उखाड़ के यात्री ट्रेन ल निसाना बनाथे। जेमा विशाखापटनम ले किरंदुल आवत ट्रेन बड़ दुरघटना होवत बाल बाल बचे गिस ।