बालको मेडिकल सेन्टर ल कोविड परीक्षण बर मिले हे राज्य ले अनुमति
जय जोहार…. बालको मेडिकल सेन्टर ल कोविड-19 के परीक्षण बर अनुमति मिल गे हे। ए अनुमति ह राज्य अऊ राष्ट्रीय परीक्षण अऊ अंशशोधन प्रयोगशाला प्रत्यायन बोर्ड दुनो ले मिले हे। ये उपलब्धि ल हासिल करइया बालको मेडिकल सेन्टर ह छत्तीसगढ़ के पहला निजी अस्पताल बन गे हे।
बालको मेडिकल सेन्टर के सीओओ एस वेंकट कुमार ह बताइस कि बालको मेडिकल सेन्टर ह कैंसर रोगी मन के उपचार करत हे, जेन कोविड ले सहजता ले प्रभावित हो सकत हे। कैंसर के रोगी मन म कम रोग प्रतिरोधक क्षमता अऊ कैंसर के उपचार सती संक्रमण के उच्च जोखिम होवत हे, अस्पताल के टीम ह कैंसर रोगी मन के इलाज बर कोविड के खतरा ल बाधा नई बनने दे हे। लेकिन तेजी ले कोविड परीक्षा-परिणाम ल प्राप्त करे ले डाक्टर मन ल जल्द उचित उपचार ल सुरू करे ल, रिश्तेदार अऊ कर्मचारी मन के सुरक्षा सुनिश्चित करे म मदद मिलही।