कोरोना वायरस, डोंगरगढ़ म मंदिर दर्शन म लगिस प्रतिबंध

जय जोहार रायपुर…. देश भर म तेजी ले फैलत कोरोना वायरस के महामारी के चलत राज्य सरकार ह एक अऊ बड़ा फैसला ले हे। सरकार ह डोंगरगढ़ स्थित मां बम्लेश्वरी देवी के दर्शन अऊ लगइया मेला म प्रतिबंध लगा दे हे। इहां डोंगरगढ़ स्टेशन म ट्रेन घलो नई रूकही। एखर संगेसंग स्वास्थ्य विभाग ह जिला अस्पताल म 60 बिस्तर के नवा अस्पताल बनाए हे।

बतावत जात हे कि राजनांदगांव जिला के डोंगरगढ़ म हर साल लगइया मेला ल स्थगित कर दे गे हे। मां बम्लेश्वरी देवी के दर्शन म प्रतिबंध अऊ रोप वे संचालन घलो बंद कर दे गे हे। एखर संगेसंग स्पेशल ट्रेन के संचालन अऊ ट्रेन के स्टॉपेज नई करे के निर्णय लिए गया हे।