Jagdalpur: बस्तर शांति दौड़ के होय हे आयोजन, विजेता मन ल करे गिस पुरस्कृत
जय जोहार…. (Jagdalpur) बस्तर म रविवार के शांति अऊ शहीद जवान मन के स्मृति म सीआरपीएफ के तरफ ले बस्तर शांति दौड़ के आयोजन करे गिस।
ए कार्यक्रम म सीआरपीएफ आईजी समेत आन अधिकारी, जवान अऊ बड़का संख्या म बस्तरवासी मन ह सामिल होईस। ए दौड़ के सुरुआत ह लाल बाग मैदान ले करे गिस। एखर सुभारंभ बस्तर आईजी सुंदरराज पी ह हरी झंडी दिखा के करिन।
दौड़ म सामिल सबो लोगन मन ह सर्किट हाउस ले होवत हुये दलपत सागर के ओर ले दंतेश्वरी मंदिर, मेन रोड होवत हुये वापस लालबाग मैदान पहुंचिस। एखर बाद विजेता मन ल नगद पुरस्कर देके पुरस्कार प्रदान करे गिस।
(Jagdalpur) सीआरपीएफ आईजी प्रकाश डी ह बताईस कि ए कार्यक्रम के मुख्य उद्देश्य समाज म शांति अऊ स्वस्थ जीवन शैली म जागरुक करना हे। संगेसंग ये आयोजन ल सुरक्षा बल के शहीद जवान मन के स्मृति म करे गे हे। वो हा कहिन कि विश्व के सबले बड़े केंद्रीय सशस्त्र पुलिस बल के तरफ ले बस्तर के धुर नकस्ल प्रभावित क्षेत्र म न केवल नकस्ल उन्मूलन अभियान के तरफ ले नक्सली ले लोहा लेवत हे, बल्की नक्सल प्रभावित क्षेत्र के ग्रामीण मन के सामाजिक स्थिति ल बेहतर बनाय बर घलो निरंतर प्रयास सीआरपीएफ के तरफ ले करे जावत हे
इही क्रम म बस्तर के नक्सल प्रभावित क्षेत्र अऊ अंदरूनी ग्राम ले आये ग्रामीण मन ल नक्सल विचारधारा ले दूर रहे ल अऊ मुख्य धारा ले जुड़े बर प्रोत्साहित करे जावत हे। ए सामाजिक जागरुकता अभियान म कोविड 19 ले बचाव बर इम्युनिटी सिस्टम ल मजबूत करे बर जागरूक करे जावत हे। (Jagdalpur) उहचे मेडिकल चेकअप कैम्प के घलो व्यवस्था करे गे हे।
वो हा कहिन कि ये शांति दौड़ ह एक गैर प्रतिस्पर्धी आयोजन रिहिन, जेमा सीआरपीएफ, कोबरा, छत्तीसगढ़ पुलिस के सबो रैंक अऊ ओखर परिवार, नागरिक, प्रशासन, वन विभाग, एनएमडीसी, एसबीआई अऊ स्थानीय स्तर के लोगन मन ह सामिल होईस ए कार्यक्रम के विशिष्ट अतिथि एसबीआई क्षेत्राधिकारी बिनय कुमार रिहिन। ए दौरान बस्तर आईजी सुंदरराज पी, सीसीएफ मोहम्मद शाहिद, जिला पंचायत सीईओ इंद्रजीत सिंह, सीएचएमओ आरके चतुर्वेदी के संग आन अधिकारी, सीआरपीएफ के जवान अऊ बस्तरवासी मन ह मौजूद रिहिन।
