जय जोहार…. झीरम घाटी म नक्सली हमले म मारे गे दिवंगत मन ल कांग्रेस मुख्यालय राजीव भवन म आयोजित कार्यक्रम म श्रद्धांजलि अर्पित करे गिस। ए अवसर म मुख्यमंत्री ह दिवंगत नेता मन ल याद करत हुये कहिन कि अभी तक नेता म ल न्याय नई मिलिस, ए बात के ह मन ल मलाल हे। ए दौरान सीएम बघेल ह बस्तर विश्वविद्यालय के नाम ल महेंद्र कर्मा के नाम म रखे के घोसना करिन। वो हा कहिन कि आज ले सात साल पहिले एक भयानक दुर्घटना घटित होइस। झीरम हमले म हमर मन के प्रथम पंक्ति के नेता ह शहीद होय हे।
सीएम बघेल ह कहिन कि 25 मई 2013 के तत्कालीन प्रदेश अध्यक्ष नंदकुमार पटेल के नेतृत्व म विद्याचरण, बस्तर टाइगर महेंद्र कर्मा, दिनेश पटेल समेत कांग्रेस के नेता मन ह परिवर्तन यात्रा म निकले रहिस। झीरम घाटी म नक्सल हमले म जेन एक राजनीतिक अपराधिक षडयंत्र रहिस, ओखर शिकार होइस। हमर मन के प्रथम पंक्ति के सब्बो नेता ह काल के गाल म समा गिस।
