Home ताजा समाचार पुलिस जवान उपर धारदार हथियार ले हमला

पुलिस जवान उपर धारदार हथियार ले हमला

153
0
Police jawans attack with sharp weapons

बीजापुर. छत्तीसगढ़ म नक्सली अपन हरकत मन ले बाज नई आ सकय. रोजाना कोनो न कोनो मेर नक्सली वारदात मन ल अंजाम देवत हे. बीजापुर जिला के मद्देड थाना क्षेत्र म रामनवमीं के पर्व म मेले के आयोजन करेगे रिहिस हे. जिहा नक्सला मन ह पुलिस जवान उपर धारदार हथियार ले हमला कर दिस. अतना ही नई जवान के इंसास राइफल घलो लेके भाग निकलिस. घायल जवान के अस्पताल म इलाज चलत हवय. उहें घटना के बाद ले लोग मन म डर के माऊल बने हुये हे.

मिले जानकारी म घायल जवान के नाम वेंकट राव मज्जि हवय. जे ह गोंगला के रहइया हे. एसपी गोवेर्धन ठाकुर ह बताइस के, टीआई के नेतृत्व म टीम रविवार के मेला के सुरक्षा म निकले रिहिस हे , जिहां वापसी के दउरान करीब 1.30 बजे जवान वेंकट राव मज्जी अपन मोबाइल ले बात कररहिन हे. इंही दउरान नक्सली मन ह पीछू ले जवान उपर धारदार हथियार ले हमला बोल दिस. हमला म जवान के बायां कान के तीर गंभीर चोट आईस हे.

उहें जवान के इंसास राइफल ल नक्सली लूटके ले गिस हे. देर रात घायल जवान ल एम्बुलेंस ले बीजापुर हॉस्पिटल लाय गिस. अभु घायल जवान के हालात म सुधार हेवत हे. पूरा इलाका म गश्त बढ़ा दे गे हे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.