सुप्रसिद्ध भजन गायिका मैथिली ठाकुर के भजन म मुख्यमंत्री संग झूमिन जम्मो श्रोता
राष्ट्रीय रामायण महोत्सव के समापन अवसर म सुप्रसिद्ध भजन गायिका मैथिली ठाकुर ह ‘जय जोहर‘ के सम्बोधन के संग अपन प्रस्तुति के सुरुआत करत कहिन कि भगवान राम के ननिहाल म भगवान राम के ससुराल ले आए हों। ओमन छत्तीसगढ़ म राम वन गमन पथ तैयार करे बर मुख्यमंत्री के धन्यवाद करिन।
कार्यक्रम मैथिली ठाकुर कोती ले प्रस्तुत मिथला के लोक गीत के अईसे जादू चलिस मुख्यमंत्री अऊ ओखर संग मौजूद दूसर अतिथि मन उठके झूमे ल लागगे। भजन गायिका मैथिली ह कहिन कि मुख्यमंत्री भूपेश बघेल छत्तीसगढ़ के गीत म गहरा रूचि रखथे त उहें मिथला के लोग गीत के घलो वईसने आदर करथे।
मैथिली ठाकुर ह कार्यक्रम म अद्भुत प्रस्तुति दिस हे। ओखर कोती ले मैथिली लोक गीत ले श्रीराम के मिथला प्रवास के सुन्दर वर्णन करे गिस। मिथला में लोक गीत म मासूम शरारत होथे। इही जनकपुर म अवईया मिथला के पहुना मन संग होथे। ओमन अपन प्रस्तुति म विश्वामित्र अऊ राजा दशरथ ले घलो सवाल कर लिन कि लोगन मन अपन राजा के कतना तीर होथे। मुख्यमंत्री भूपेश बघेल अऊ अतिथि मन मंच म पहुंचके मैथिली ठाकुर ल पुष्पगुच्छ अऊ रामचरित मानस के प्रति भेंटकर ओमन ल सम्मानित करिन।
