फर्स्ट लुक आगे “बेनाम बादशाह” के , प्रणव झा फेर आवत हे मुस्कान ल ले के करन खान के संग….

दीपक बावनकर@रायपुर छत्तीसगढ़ के लोकप्रिय अभिनेता करन खान अऊ मुस्कान अभिनीत फिल्म बेनाम बादशाह ह इही साल नवंबर म रिलीज हो सकथे , निर्देशक प्रणव झा ह अपन फिलिम के फर्स्ट लुक जारी करे हे जेमा दिखत हे कि करन खान ह मुस्कान ल साईकिल म बिठा के जावत हे , ये फर्स्ट लुक ल देख के प्रणव झा के पहिली फिलिम के फर्स्ट लुक याद आगे वहू म मुस्कान ह मन कुरैशी संग साईकिल म नजर आये रिहिस जेला दर्शक मन पसंद करे रिहिस ,एखरे सेती शायद प्रणव ह अइसे पोस्टर  जारी करे हे ताकि दर्शक मन के ध्यान आकर्षित हो सके.

बहरहाल  वो जोड़ी अऊ ये जोड़ी म जमीन आसमान के अंतर हे अब देखना हे कि ये जोड़ी ह का दर्शक मन के दिल म जगह बना पाथे अऊ बी ए फर्स्ट इयर जैसे कमाल क्र पाथे कि नई ,ये तो समय बताही फिर भी निर्देशक प्रणव झा अऊ कलाकार मन के संगे संग पूरा टीम म्हणत करत हे ,बता दन कि ये फिलिम के कार्यकारी निर्माता इरा फिल्म्स हावे ,इहींचे प्रणव अऊ करन मिल के पोस्ट प्रोडक्शन के काम ल अंजाम दिही.