Chhollywood: रजनीश झांझी ल सर्वश्रेष्ठ खलनायक के मिले हे अवार्ड, पढो पूरा खबर

जय जोहार…. (Chhollywood) साल 2019 म फिलिम असली कलाकार म रजनीश झांझी ह निगेटिव किरदार साइको विलेन के निभाय रिहिन, जेखर बर ओ मन ल सर्वश्रेष्ठ खलनायक के अवार्ड मिले हे। ये सम्मान ल बुधवार के नया रायपुर म स्मार्ट सिनेमा के तरफ ले आयेजित अवार्ड समारोह म प्रदान करे गे हे। फिलिम असली कलाकार के निर्माता अखिलेश मिश्र अऊ निर्देशक नीरज श्रीवास्तव हे।

छालीवुड (Chhollywood) ले बतौर हीरो अपन यात्रा ल सुरू करइया लिजेंड रजनीश झांझी ह अलग-अलग तरह के कई पात्र निभा चुके हे। ओखर अभिनय ल पसंद करइया म हरेक वर्ग के लोगन मन हे। ओ ह अपन दम म दर्शक मन ल सिनेमा घर तक खींचे के माद्दा रखत हे।

रजनीश झांझी ह खलनायक के किरदार म घलो काफी नाम कमाय हे। कई फिलिम म वो हा दमदार खलनायक के भूमिका ल निभाग हे। (Chhollywood) असली सरकार के विलोन के ए परफार्मेंस ले ओखर फेन्स ह काफी सरप्राइज होइस। अब ए किरदार बर ओला बेस्ट खलनायक के अवार्ड ले नवाजे गे हे।