Chhattisgarh: विधानसभा म गूंजिस धर्मजीत सिंह के आवाज, पंडरिया नगर पंचायत समेत क्षेत्र के कुंडा, कुकदर अऊ कामठी ग्राम के मुद्दा ल उठाईस

जय जोहार…. (Chhattisgarh) विधायक धर्मजीत सिंह ह आज विधानसभा म पंडरिया नगर पंचायत समेत क्षेत्र के कुंडा, कुकदुर, कामठी, भेसा, डबरा ग्राम के महत्वपूर्ण मुद्दा ल उठाईस। ए दौरान विधायक ह कुंडा ल तहसील अऊ नगर पंचायत बनाय के मुद्दा ल उठात हुये क्षेत्र के विकास करे के बात कहिन।

संगेसंग वनांचल ग्राम कामठी के किसान मन ले जुड़े विद्युत पंप कनेक्शन समेत धुर वनांचल ग्राम भेसा, डबरा म खाद्य गोदाम अऊ सिंचाई बर डेम मरम्मत के स्थानीय मुद्दा ल उठाईस। (Chhattisgarh) गौरतलब हे कि पिछिले दिनो पंडरिया के युवा आनंद सिंह के तरफ ले अपन चाचा अऊ लोरमी विधायक धर्मजीत सिंह के क्षेत्रीय किसान मन के संग बइठक करवाए रिहिन।

संगेसंग वनांचल क्षेत्र के कई अलग-अलग जनसमस्या ग्रस्त ग्राम के दौरा ल धर्मजीत सिंह के करवाए गे रिहिन। जिहां किसान अऊ ग्रामीण मन ह क्षेत्रीय समस्या ले विधायक धर्मजीत सिंह ल अवगत कराए रिहिन। (Chhattisgarh) जेमा विधायक ह ओखर समस्या के समाधान बर विधानसभा में आवाज उठाय अऊ ओखर हक के लड़ाई लड़े के बात कहे रिहिन।