भरदावासी मन दीस पूरव प्रधानमंत्री वाजपेई ल श्रद्धांजलि

कुरुद । भारत के पूरव प्रधानमंत्री अटल बिहारी वाजपेई ल ग्राम भरदा के निवासी मन ह आज याद करत हुए उंखर सम्मान म 2 मिनिट के मउन रखके उमन ल श्रद्धांजलि दीस।
गांव के हरीशचंद्र ठाकुर ह अटल जी ल याद करत हुए उंखर जीवनी अउ कारयकाल उपर प्रकाश डालिस । उंखर निधन ल भारत के राजनीति बर बहुत बड़ क्षति बताइस। दूसर गांववाले मन ह घलोक उमन ल याद करत हुए अपन विचार रखिस। ग्रामीन मन ह महारानी लक्ष्मी बाई चउक म श्रद्धांजलि सभा आयोजित करे रहिस हे। जेमा प्रभु साहू कुहकुहा, दीपक चंद्राकर, दूज राम ध्रुव, बसंत चंद्राकर, नरेंद्र ठाकुर, पन्नालाल साहू, राजू साहू, सुरेश साहू, हरीश चंद्र ठाकुर, रामसिंह साहू, रामस्वरूप साहू, मनोहर साहू, मधुराज चंद्राकर, सत्यम चंद्राकर, नयन दीप चंद्राकर, जागेश्वर ध्रुव, रोशन यादव, परागा बाई, कुमारी कुमुदिनी आदि लोगन मन ह उपस्थित रहिन।