“भंइसा” के पोस्टर होईस रिलीज.. जून या जुलाई में हो सकत हे फिलिम रिलीज

जय जोहार. कलश फिल्म प्रोडक्शन के बैनर मा बनाए गे छत्तीसगढ़ी फिलिम सुपर हीरो भंइसा के पोस्टर रिलीज कर दे गे हे। हालांकि, ए फिलिम रिलीज कब होही, वो तारीख अभी नई बताए गे हे। ए फिलिम के निर्देशन कैलाश जानवावाला मन करे हें।

सुपर हीरो भंइसा फिलिम के निर्माता आएं पवन गांधी। बताय जावत हे कि पवन गांधी अउ प्रीति माहेश्वरी मन ए फिलिम के मुख्य कलाकार हें। वहीं सुपर हीरो भंइसा ह पवन के पहिली छत्तीसगढ़ी फिलिम आय।

सुपर हीरो भंइसा के पोस्टर मा पवन अउ प्रीति संग छत्तीसगढ़ के लीजेंड एक्टर रजनीश झांझी भी नजर आवत हें। सुपर हीरो भंइसा के पोस्टर जारी होय के बाद अभी अतके जानकारी मिलत हे कि, ए फिलिम ह जून के आखरी या जुलाई के पहिली हप्ता मा रिलीज करे जा सकत हे।