पडोसी राज्य मध्य प्रदेश बलावत हे घूमे बर , राज्य के पर्यटन विभाग ह रायपुर म साझा करिस अपन विशेषता

दीपक बावनकर@रायपुर साँची ,सतपुड़ा टाइगर रिजर्व ,ओंकारेश्वर ,कान्हा किसली , इंदौर अऊ उज्जैन ये सब आज से बीस साल पहिली हमरे राज्य के हिस्सा रिहिस ,  छत्तीसगढ़ जब ले अलग राज्य बनिस तब ले छत्तीसगढ़ के पर्यटन क्षेत्र म सैलानी मन के संख्या म इजाफा होय ल लग गे , मध्य प्रदेश के पर्यटन क्षेत्र म वर्तमान म बढ़ोतरी होय हे अऊ अब तो रायपुर भोपाल ,रायपुर इंदौर हवाई मार्ग ले घलो जुड़ गे हे ,एखरे सेती इन्हा पर्यटन के क्षेत्र म सम्भावना बाढ़ गे हे

विगत दिनों मध्य प्रदेश टूरिज्म बोर्ड के अधिकारी मन रायपुर आके अपन राज्य के अईसे अईसे स्थान के जानकारी साझा करिस जिन्हा आप अपन परिवार के साथ जाके छुट्टी बिता सकत हो ,विभाग के डिप्टी डायरेक्टर दीपिका रॉय चौधरी ह बताइस कि मध्य प्रदेश म टाइगर के संख्या अधिक हे तेखरे सेती ये राज्य ल टाइगर स्टेट ऑफ़ इंडिया घलो कहे जथे ,इन्हा बांधवगढ़ नेशनल पार्क अऊ खजुराहो जैसे पर्यटन स्थल हावे जेला आप अपन परिवार संग आके घूम सकत हो , दीपिका ह बताइस कि यहाँ भी हमर कार्यालय हावे जिन्हा ले आप आये जाए अऊ रुके के व्यवस्था कर सकत हो