युवती ल बंधक बनाके करिस अनाचार, एक नाबालिग समेत तीन गिरफ्तार

रायपुर। तिल्दा-नेवरा इलाका म एक युवती ल बंधक बनाके तीन युवक द्वारा अनाचार करे के घटना आघू आए हे। बतात हे कि युवती ह रात म गणेश विसर्जन झांकी ल देख के घर जात रिहिस, इही दउरान आरोपी मन ये घटना ल अंजाम दिस हे। घटना ह सरोरा गांव के हरे। युवती के शिकायत म तीनों आरोपी ल पुलिस ह गिरफ्तार करे हे।

जानकारी के मुताबिक तिल्दा थाना इलाका के एक गांव के रहैय्या एक झन युवती ह शुक्रवार के रात गणेश विसर्जन झांकी देखे बर गे रिहिन। जब वो ह अपन घर लौटत रहीस त अजय राय, नरेश टंडन अउ एक झन नाबालिग ह ओला रस्ता म रोक लिस अउ जान से मारे के धमकी देवत नरेश ह अपन मकान म ले गे अउ तीनों आरोपी मन बलात्कार करिस हे।