नवा रायपुर म 28 अगस्त के होही नवा विधानसभा भवन के भूमिपूजन, सीएम ह सोनिया गांधी अउ राहुल गांधी ल भेजे हे न्योता

जय जोहार…. नवा रायपुर म 28 अगस्त के दोपहर 12 बजे छत्तीसगढ़ विधानसभा के नवा भवन के भूमिपूजन अउ शिलान्यास समारोह के आयोजन करे गे हे।
सीएम बघेल ह ए सामारोह म शामिल होय बर सोनिया गांधी अउ राहुल गांधी ल न्योता भेजे हे। सीएम (cm) ह पत्र लिख के सोनिया गांधी ल ए समारोह म मुख्य अतिथि अउ राहुल गांधी ल अतिविशिष्ट अतिथि के रूप म वीडियो कांफ्रेंसिंग ले शामिल होय के आग्रह करे हे।
सीएम (cm) बघेल ह पत्र म लिखे हे कि ए नवा भवन म छत्तीसगढ़ के समृद्ध संस्कृति अउ परंपरा के झलक दिखही। ये भवन स्टेट ऑफ दी आर्ट तकनीक ले सुसज्जित होही। ये भवन ल विधानसभा अउ ओखर सदस्य मन के वर्तमान अउ भविष्य के प्रशासनिक आवश्यकता ल देखत हुये डिजाइन करे गे हे।