साइंस कालेज म होही राज्योत्सव.. स्थानीय कलाकार मन ल मिलही मौका

दीपक बावनकर@रायपुर काली भूपेश मंत्रिमंडल के बैठक म कई महत्वपूर्ण निर्णय ले गिस जेमा इन्हा के कलाकार मन बर अच्छा खबर हे , कैबिनेट के मीटिंग म ये फैसला होईस कि अब के राज्योत्सव साइंस कालेज मैदान म  तीन दिन तक मनाये जाही ,अऊ स्थानीय कलाकार मन ल प्रस्तुति के मौका मिलही , पहिली बाहर के कलाकार मन ल आमंत्रित करे जाय अऊ मोटा रकम दे जात रिहिस, अब ये सब बंद .मंत्रिमंडल म यहू निर्णय ले गिस कि मुख्यमंत्री खाद्यान योजना ले अब वृधाश्रम ,छात्रावास ,नारी निकेतन अऊ बाल आश्रम ल जोड़े गे हे अब यहाँ भी छः रूपया पच्चीस पैसा प्रति किलो के दर से चांवल दे जाही संग्र संग छत्तीसगढ़ सरकार खरीदारी बर अपनों पोर्टल बनाये हे जेखर माध्यम ले एक सौ चालीस वस्तु मन के खरीदारी हो सकही अऊ बायो एथानाल बनाये वाला उद्योगपति मन ल दू करोड़ के सबसीडी मिलही .