जनता के समर्थन ले ही योजना मन ह होथे सफल : सीएम रमन

कवर्धा । जिला एक अउ सउगात मिलिस हे । मुख्यमंत्री डॉ. रमन सिंह ने रविवार के राज्य के ऐतिहासिक गांव पचराही, विकासखंड-बोड़ला म लगभग 24.48 एकड़ म बनइया सासकीय गउशाला के भूमिपूजन अउ सिलान्यास करिन। छत्तीसगढ़ राज्य गौसेवा आयोग ह ये गउशाला परिसर के निरमन बर जिला प्रसासन ल दू करोड़ 14 लाख रूपिया दे हे।
अल्प बरसा के कारण मवेसी मालिक मन ल पशु पालन अउ चारागाह के कठिनाइ मन के सामना करना पड़त हे। येती पसुपालन बर लोगन म रुचि घलो कम होवत जात हे। ये सबल ध्यान म रखके छत्तीसगढ़ सरकार ह बोड़ला विकास खण्ड के वनांचल गांव पचराही, जे ह पुरातात्विक दृष्टि ले अलग पहिचान बनाय रखे हे। इहां सरकार प्रदेश के पहिल सासकीय गउशाला बनावत हे। जेकर भूमिपूजन अउ सिलान्यास मुख्यमंत्री डॉ रमन सिंह करिन हे। येअवसर म मुख्यमंत्री ह विसाल आमसभा म कहिन के जनता के समर्थन ले ही योजना मन ह सफल होथे। येकर सेती ये गउसाला ले जुड़ के हर व्यक्ति ह ये कर विकास म सहयोग करय। राज्य सरकार ल प्रदेशवासिी मन के सहयोग अउ आसीर्वाद लगातार मिलत हे। ।
डॉ. सिंह ह पचराही के गउरवसाली इतिहास के उल्लेख करत हुए कहिन के पुराना भारतीय संस्कृति के इतिहास म ये जगा ह ऋृषि-मुनी मन के तपोभूमि के रूप म चिन्हांकित हे। पचराही ल ओखर गउरवशाली इतिहास के अनुरूप एक पर्यटन जगा रूप म विकसित करे जाही।