छत्तीसगढ़ी ल राजभाखा बनाए बर मिलजुल के प्रयास करबो

पद्मश्री स्वर्गीय पंडित श्यामलाल चतुर्वेदी के परिजन मन ले मुलाकात करिन भूपेश बघेल

रायपुर. मुख्यमंत्री भूपेश बघेल ह आज बिलासपुर म पद्मश्री अलंकरन ले सम्मानित स्वर्गीय पंडित श्यामलाल चतुर्वेदी के निवास पहुंचके उंखर परिवारजन मन ले मुलाकात करिन। मुख्यमंत्री ह ए अवसर म श्यामलाल चतुर्वेदी ल विनम्र श्रद्धांजलि अर्पित करिन। उमन कहिन श्री चतुर्वेदी के सपना ल पूरा करे बर अउ छत्तीसगढ़ी ल राज भाषा के दर्जा दिलाए अउ आठवीं अनुसूची म सामिल करे बर हम सब्बों झन मिलके प्रयास करबो।

मुख्यमंत्री ह कहिन के, चतुर्वेदी ह जीवन भर छत्तीसगढ़ी भाषा अउ छत्तीसगढ़ महतारी के सेवा करिन हे। छत्तीसगढ़ी गुतुर भाखा हे अउ स्व. चतुर्वेदी पुराना ले पुराना छत्तीसगढ़ी शब्दों मन ल पिरोके भाखा के रूप प्रयोग करत रहिन हे।

बघेल ह स्व. चतुर्वेदी के निवास कॉलोनी चितले के प्रवेश द्वार के नामकरन स्व. चतुर्वेदी के नाम म करे बर प्रस्ताव बनाए के निरदेस अधिकारी मन ल दिस। ए अवसर म तखतपुर विधायक रश्मि सिंह, स्व.  चतुर्वेदी के पुत्र शशिकांत चतुर्वेदी अउ सूर्यकांत चतुर्वेदी समेत अन्य परिजन उपस्थित रहिन हे।