दुर्ग। प्रदेस कांग्रेस अध्यक्छ भूपेश बघेल एक बार फेर पाटन लेचुनाव लड़े के तइयारी करत हे। उमन ह पाटन ले अपन दावेदारी पेस करिन हे। बताय जात हे के राहुल गांधी के निरदेस म बघेल चुनाइ लड़त हे। उमन ह येकर बर पाटन ब्लॉक कांग्रेस के अध्यक्ष मेहत्तर वर्मा ल अपन आवेदन दिस हे।
पहिली अइसे माने जात रहिस हे के भूपेश ह चुनाव नइ लड़य। प्रदेस कांग्रेस अध्यक्छ ह स्पस्ट करे रहिस हे के जे जिला अध्यक्छ व ब्लॉक अध्यक्छ चुनाइ लड़े इच्छुकहवय वो ह पहिली अपन पद ल छोड़य अउ अपन आवेदन ब्लॉक अध्यक्छ ल देवय। इही दउरान भूपेश ह घलो ये साफ कहे रहिस हे के उमन चुनाइ नइ लड़य बल्कि प्रदेस म चुनाव मन के कमान सम्भालही, लेकिन कुछु दिन पूरव अखिल भरतीय कांग्रेस अध्यक्षक्छ राहुल गांधी ह निरदेस दिस हे के कांग्रेस के सबो बड़ नेतामन चुनाव लड़ही, येकर बाद भूपेश बघेल ह घलो चुनाइ लड़े के मन बना लिस हे, अउ अपन परम्परागत सीट पाटन ले चुनाइ लड़े बर पाटन ब्लॉक कांग्रेस अध्यक्छ ह अपना आवेदन घलो सउप दिस हे।
पीसीसी अध्यक्ष भूपेश बघेल ह पाटन अउ दूर्ग ग्रामीन ले पूरव विधायक प्रतिमा चंद्राकर ह जिला अध्यक्छ तुलसी साहू ले आवेदन फारम लिस हे अउ ये लेके पाटन ब्लॉक अध्यक्थ मेहत्तर वर्मा के तीर जाकेर जमा घलो भी दिस हे। भूपेश बघेल वरतमान म पाटन ले विधायक हे।
