पत्रकार मन ल भूपेश के बड़का तोहफा, सम्मान निधि बढी़स

पत्रकार मन ल भूपेश सरकार के बड़का तोहफा, सम्मान निधि रासि 5 ले बढ़के 10 हजार
रायपुरः भूपेश सरकार पत्रकार मन बर बड़का तोहफा लास हे. विधानसभा म मुख्यमंत्री ह पत्रकार मन के कल्यान बर तीन महत्वपूर्न घोसना करिन.

मुख्यमंत्री भूपेश बघेल ह विधानसभा म वरिष्ठ मीडिया कर्मी सम्मान निधि बढ़ाए जाए के घोसना करिन. उमन बताइन के, उमन के सरकार ह सम्मान निधि के तहत दे जाए 5 हजार रुपिया प्रति माह के रासि ल बढ़ाके अब 10 हजार रुपिया प्रति माह कर देय हे.

योजना के तहत वरिष्ठ पत्रकार मन ल पहिली ए सम्मान रासि सिरिफ 5 बरिस बर स्वीकृत करे जात रहिस हे. अब ए रासि आजीवन दे जाही. इहीम तरह सम्मान निधि बर न्यूनतम आयु 62 बरिस के प्रावधान ल घटाके 60 बरिस कर देय गेहे.

सीएम बघेल ह कहिन के, पत्रकार कल्यान कोष के माध्यम ले पत्रकार मन ल स्वयं या उंखर आश्रित परिवार के सदस्य मन के बीमारी मन के इलाज बर पहिली न्यूनतम 5 हजार ले अधिकतम 50 हजार रुपिया तक के सहायता रासि दे जात रहिस हे.

उमन के सरकार ह ए रासि म वृद्धि करे के निरनय ले हे. एमा अब न्यूनतम रासि पहिली के तुलना म दुगुना कर 10 हजार रूपिया अउ अधिकतम रासि पहिली के तुलना म चार गुना बढ़ाके 2 लाख रुपिया कर दे गेह.

मुख्यमंत्री बघेल ह बताइन के, सरकार ह पत्रकार कल्यान समिति के गठन करे हे. ए समिति ह करेगे अनुसंशा म सरकार विचारोपरांत उचित पहल अउ कार्रवाई करही.