Raipur : मुख्यमंत्री भूपेश बघेल ह करीन बड़का घोसना, शहीद मन के सम्मान म रईपुर म प्रज्ज्वलित होही छत्तीसगढ़ अमर जवान ज्योति

जय जोहर…. (Raipur) मुख्यमंत्री भूपेश बघेल ह शहीद मन के सम्मान म राजधानी रईपुर म छत्तीसगढ़ अमर जवान ज्योति के निर्माण कराय के घोसना करे हे।

छत्तीसगढ़ अमर जवान ज्योति के निर्माण ल चौथी वाहिनी छत्तीसगढ़ सशस्त्र बल माना रईपुर (Raipur) के परिसर म करे जाही। शहीद मन के सम्मान म छत्तीसगढ़ अमर जवान ज्योति ह अनवरत जलत रही । छत्तीसगढ़ अमर जवान ज्योति के भूमि पूजन ल सांसद राहुल गांधी के हाथ अवइया 3 फरवरी के करे जाही ।

मुख्यमंत्री बघेल ह किहीन कि कांग्रेस बलिदानी मन के पार्टी रहे है अउ बलिदान के सम्मान करे ल जानत हाई। (Raipur)इतिहास ह गवाह रहे हे कि जेन घलो समाज ह अपन शहीद के सम्मान ल नई बनाये रखत, ओखर कुर्बानी के याद ल संजोके नई रखत, ओखर निशानी के अपमान करत हाई, ओ समाज मिट जात हे ।