फेसबुक ले दोस्ती अऊ प्यार , प्रीति होगे गिरफ्तार , युवती ह करिस सबले बड़े ब्लेकमेलिंग

दीपक बावनकर@रायपुर रायपुर के चेतन शाह ह ख़ूबसूरती के चक्कर म आके अइसे फंस जाहि वो ह सोचे नई रिहिस , ओखर जिनगी म प्रिती ह फेसबुक के माध्यम ले इंट्री करिस ,प्रीति के सब मांग पूरा करत रिहिस चेतन ह काबर कि ओ ह दिल लगा ले रिहिस प्रीति संग , लेकिन प्रीति के दिमाग में तो कुछ अऊ ही चलत रिहिस अऊ तो अऊ चेतन संग वो ह खिलवाड़ करत रिहिस काबर कि वो ह अपन दोस्त रिंकू संग सब समेट  के विदेश जाना चाहत रिहिस काबर कि वो ह रिंकू संग सगाई करे रिहिस

वो ह चेतन संग तीन साल तक रिलेसन शीप म घलो रिहिस अऊ वो ह अपन परिवार ल मनेन्द्रगढ़ ले रायपुर म शिफ्ट करा दिस ओखरो किराया चेतन ह देत रिहिस ,धीरे धीरे प्रीति ह अपन रंग दिखाना चालू कर दिस अऊ चेतन ल वीडियो क्लिप ले बदनाम करे के धमकी दे ल लागिस , एक दिन प्रीति अऊ ओखर संग रिंकू ह चेतन के दूकान आगे अऊ डराना धमकाना शुरू कर दिस संगे संग ओखर कार ल घलो ले के चल दिस

लगातार रूपिया के मांग बढ़त गिस अऊ अब तक चेतन ह प्रीति ल डेढ़ करोड़ तक दे चुके हे ,परेशान हो के चेतन ह थाना म रिपोर्ट दर्ज करिस अऊ सब बताइस कि प्रीती ह डेंटल कालेज मनेन्द्रगढ़ के छात्रा हे अऊ दुनो के दोस्ती फेसबुक ले होय रिहिस ,पुलिस ह रिपोर्ट के आधार म कारवाही करिस अऊ प्रीती ल गिरफ़्तार कर लिस , पुलिस ह बताइस कि रिंकू अभी फरार हे लेकिन प्रीति ले अभी पूछताछ बाकी हे ,