रमन के एक अउ फइसला म चलिस बघेल के कैंची

रायपुर: छत्तीसगढ़ म पाछ भाजपा सरकार के कतको फइसला नवा सरकार पलटत हे. माइनिंग विभाग ल  लेके बघेल सरकार ह बड़का फइसला लेय हे. जिला खनिज न्यास निधि यानी डीएमएफ के अब मनमाना तरीका ले न तो उपयोग करे जा सकय अउ न ही बंदरबांट हो पाही.

दरअसल पाछू सरकार  ह प्रदेस भर म जिला खनिज न्यास निधि ले न केवल सहरी इलाका म बड़का काम करिस हे बल्कि सौंदर्यीकरन अउ कतको निरमान कार्य घलो इहां फंड ले करवाए हे. जबके एखर उपयोग माइनिंग ले प्रभावित क्षेत्र के डेवलपमेंट म करे जाना प्रस्तावित होथे.

प्रदेस म राजस्व के सबले बड़का जरिया हे माइनिंग

छत्तीसगढ़ म राजस्व के सबले बड़का जरिया माइनिंग हवय. छत्तीसगढ़ के धरती म पर्याप्त मात्रा म लौह अयस्क, बाक्साइट, कोयला, रेत, पत्थर अउ अन्य प्राकृतिक संसाधन हे, जेखर उत्खनन करे के बाद सरकार ल बड़का राजस्व मिलत हे.